রাখাল ছেলে

তাহলে, লড়াই শুরু করি। তৌববুদি মিরাং মহুমদা মিরাং অমা ওন্না লৈবাসিনা মনুঙাইখি...

নোংমাইথেম লৈকাইগী লৈহাও দো শাৎলরোইদো হয়েংদগী -- কবিতা বটে!

২৬ শে নভেম্বর, ২০০৯ ভোর ৬:৫১

শেয়ারঃ

0 2 0
                 

নোংমাইথেম লৈকাইগী লৈহাও শাৎলরোইদো হয়েংদগী
হামোম প্রমোদ


( কিয়োটোদা অঙৌবাশিংনা য়াইফরে য়াইফরে লাউজরবসু, আর্কটিককি পোলার বিয়ারশিংনা খুবাক খুজরবসু, কোপেনহেগেনগী মাইচৌশিংনা নোকফেৎ তৌদুনা মিৎচিনা য়েংলকলবসু, আফ্রিকাগী লৈক্রক মরক্তা- কেনিয়াগী মাসাই মৌ নহাশিংদুনা খোইরুম নোংলক্তে কৈদৌনুংদসু। ' ঐ’সু তেংথাবদা য়াওজনিংবতনি। )



খামেনশিনবীনা পোকখাইরক্লবদা, বাধাকপিনা শাকাইরকলবসু, মোঞ্জাউবিনদি কৈদৌনুংদসু শাউগৎখিদে। ঐ ’ তনা নুঙাইজখিদবনি, খুইজিনলবা পাম্বিশিংদো উবদা।

হিদেমপানগী ওয়ারকতগী উচিন নাচিন লিৎথোকতুনা, ঙামোইনুদুনা থরো থরো ওনথখিবদো মনিং লৈকাইগি পুখ্রিচৌদুদা, ঙা লুমলিবা উরোকতুনা উহৌদ্রবসু, ঐ ’ নদি করম্না কাউথোকলুনি, পাবুংনা কোর্ফুদা য়োক্লিবা ঙামু শিংদো।

লৈহাওগী লৈনমদা ঙাওজখিবা চেক্লাদুনা চীংয়া তময়া কোইথুং থুংনা পাইরুরবসু , নোংমাতসু তোংলদে নোংমাইথেম লৈকাইগী লৈহাও পাম্বিদুদা। লৈহাও লৈনম চেনদ্রবা লৈহাও পাম্বিনি, চীংথামগি লৈশাবীশিংনা ফাগী তৌবিখি। কোন্থৌজমগী অহলদুনদি হাইখি, লৈহাউ ওয়াৎপনা ওইরমগনিদা। থোঙামগি মচিন য়াওবা অঙাং অমনা শৎ হেক হাইদোকখি, লৈহাও পাম্বিগাক অমত্তা থমলরোই, ককথৎখ্রনি হয়েংমক, হৈনৌ-থৈবোংগী চারা অমা অনি থাজনগে। আহ! লৈহাও ! লৈহাউ ওয়াৎপনসু ওইরম্বা য়াই, চহী খুদিংগি - কুম খুদিংগী লৈহাও চরোং চরোং শাৎলম্বদো, শাৎখিদরে অমা অনিফাউবা কুমসিদি। ঐ’ না শাউনিংখীবদি চেক্লাদুদানি, ও চেক্লা, ওই! নোংমতসু তোংলরাও কৈদৌগে লৈহাওগি লৈকাশিদা, নংগি খোঞ্জেল তাবদা, নংগি মহুম ফংবদা শোইদনা শাৎলক্কনি, হয়েংদগি- লৈহাওগি লৈকাদা লৈহাওলৈ। চেক্লাদো, মমাং লৈকাইগী চেক্লাদো, মমিৎ উইরুম উইরুম অমুক্তি য়েংলম্মী, অদুবু নোংপোক পাংনা চপ য়ুংনা পাইথখিবদি তোকখিদে।
নোংমাইথেমগী লৈহাওলৈমানা হিক্না হিক্না কপখিবদো, কনা উদ্রিঙৈদা, লৈহাও পাম্বিদো কোল্লদুনা, ঐ’সু য়েংশিন্নদনা মোটর সাইকেলগি গিয়ার লৈখৎখিবতনি, থম্মোয়দা নুংশ্বাশ্বরদি হোনখিদবা নত্তে এ।

লেখাটির বিষয়বস্তু(ট্যাগ/কি-ওয়ার্ড): মণিপুরী কবিতা, আদিবাসী কবিতা ;
সর্বশেষ এডিট : ০২ রা ডিসেম্বর, ২০০৯ রাত ৯:০৩ | বিষয়বস্তুর স্বত্ত্বাধীকার ও সম্পূর্ণ দায় কেবলমাত্র প্রকাশকারীর...

১. ৩০ শে নভেম্বর, ২০০৯ দুপুর ২:১৪

মাইবম সাধন বলেছেন: লৈহাওগী মনম চেল্লে..

২. ০৩ রা ডিসেম্বর, ২০০৯ সকাল ১০:৩১

সুবিদ্ বলেছেন: ভাই বাংলা করে দেন.......

৩. ২১ শে ডিসেম্বর, ২০০৯ রাত ২:১৪

সরাহাল বলেছেন: এভাবেই চলুক। এভাবেই এই উন্নাসিক ভূগোলে আমাদের অস্তিত্ব জানান দিই।