ইতা কিতা কইলায় রবো ঠাকু ভাই

(সিলেটের আঞ্চলিক ভাষায় প্যারডী গান)

নাজমুল ইসলাম মকবুল

ইতা কিতা কইলায় রবো ঠাকু ভাই
ঘুষর ঠেলায় সারাদেশে
ঘুষর ঠেলায় সারাদেশে বসবাসে শান্তি নাই।।

থানায় গিয়া মামলা করলে দুর্গতির আর সীমা নাই
কউটো গেলে ঘাটে ঘাটে টেখা ছাড়া গতি নাই
অফিস পাড়ায় গেলেও ঘুষ
অফিস পাড়ায় গেলেও ঘুষ কেমনে বলো বাচি ভাই।।

গাউ গেরামেও বিছার লাগলে ঘুষর ঠেলায় পরাণ শেষ
করছা ছাবাল ডেম মুরব্বী ধরইন কতো রঙ্গর বেশ
অনর কথা হনো লাগাইন
অনর কথা হনো লাগাইন ইতা থাকি বাচতে চাই।।

বিয়ার লাগি টেকা লইন ভাই পক্ষর যিনি কারবারী
কইন্যা কিংবা নউশা অইলে লন্ডনর পাসপোর্টধারী
বিয়া করতেও দলাল লাগে
বিয়া করতেও দলাল লাগে কইতে বড়ো শরম পাই।।

বাজারর ওই বড়ো মাছ আর চা পান সিগরেট ঘুষ চলে
গাড়ি বাড়ী ফিরিজ টিভি জায়গামতো সব চলে
কোম্পানীদের ঘুষর ঠেলায়
কোম্পানীদের ঘুষর ঠেলায় ডাক্তর বাবুর নিদ্রা নাই।।

সরকারী কাম যারা করইন বিল ছাড়াইতে লাগে ঘুষ
বড় বড় বান্ডিল পাইলে অফিসারর বউয়াইন খুশ
ঘুষর লাগি দুই নম্বরী
ঘুষর লাগি দুই নম্বরী কাম ছাড়া আর গতি নাই।।

চাকরী যদি পাইতে চাও ভাই ঘুষ লাগাও উপর তলায়
অযোগ্যরা যোগ্য অইযায় দারুন ওউ টেখার ঠেলায়
কাউয়ায় ধরে ময়ূরর বেশ
কাউয়ায় ধরে ময়ূরর বেশ কিয়ামতর আর বাকী নাই।।