ছিলটি গীত/ধামাইল

কইন্যার মা'র কান্দন দেইখা
আসমানেও কান্দে,
যাইবা কইন্যা শশুড়বাড়ি
আইবা আর ঈদে চান্দে।

কইন্যার বাপ চিন্তাত আছইন
বইরাতি যে বেশি আইছইন,
একটা গরু'দি পোষবো কিলা
পড়ছইন বিরাট ফান্দে।

কইন্যার বইন বেজার মুখে
দানা পানি লয়না মুখে,
বইনগু তাইর যাইবো চইলা
কেমনে পরাণ বান্দে।

কইন্যার ভাই সৌদি তনে
দোয়া করে মনে মনে,
বইনগু যেনো সুখি হইযায়
পায়না যাতে দ্বন্দ্বে।

০১/০৭/২০২৩

Painting by Bipasha Hayat