আরাক ব্যজনিকা আহান (নিঙল মালার্মেরে )
হপন চারিনি! বুরানির সালে মোরে
নুঙেয়ে, যেহান, আসল অন্ত নেই
হুয়ার আহান বঞ্চনালে তি জান,
কিসাদে এমোর পাখ আতে ধরতেই।

গোধূলি মিঙালহানর কঙালা ইঙ
আহেরতা তোর ফরহান লেহে মোর
বন্দী এগর কঙালা সকনি লেহে
তাপয়া সেচের দিগন্তহান তোর।।

অধীর হারৌ! এরে শূন্যতা হান
নিককরেরতা বিশাল চুমার সাদে
দ্বিয়গিরাঙৌ যেহান জরম অছে,
নাউ শাতরতা চামনি ও নার তাতে।।

কল্পনারৌ অলকা সকৌরিতা!
লাজে লুকাছেগা মধুর মুকসি তোর
মধু মেইথঙ হানাদে বাহিয়া আয়।
একাত্ত এরে গভীরে বুরিয়া অয়।।

পারর পারেঙে শ্রেষ্ঠ গোলাপি মাচু
নাপয়া জিরাছে গোধূলি হানাৎ তিয়ো
বন্দী শুভ্রহানর কাদাৎ ঙায়া
খারৌ গাছিয়ে অছে কতি হবা জ্বিয়ো।।


স্তেফান মালার্মে : বিখ্যাত ফরাসি কবিগ।কবিতা এহানর দৃশ্য পটহান মালার্মের ঘরগ।ব্যজনিকাহানে মালার্মের জিলকর লগে কথা মাতের তা।কবির জিলকে ব্যজনিকা বা বেছুনিহান ধরিয়া বৌদিরি।তেইরতা বিয়াহান লেপছে।সম্ভবত তেই বিয়া ঔহানর হপনল হারৌ হারৌ অয়া আছে ঔবাকা বেছুনিহানে দেরয়ারি হানি।পাখ মেলেছে বেছুনি ঔহান তেইআতে ধরিয়া বন্দী করিয়া থছে। নাইলে ফরদিয়া যিতইগা। এরে কবিতার এহানর নিখুত শিল্প সৃষ্টি ঔহান অন্য কোন ভাষাৎ আনানি সম্ভব নাগই।
অনুবাদ: ধনঞ্জয় রাজকুমার
ছবির জন্য কৃতজ্ঞতা: wikipedia commons