আমি বিত্তি তুমারে টাইম দেই না? তুমারে লইয়া
ঘর বান্দনের চিন্তা বিত্তি আমার বিতরে নাই?
তোমারে লইয়া ঘর বান্ধনের চিন্তা না থাকলে কি অইতো ?
বাপ মায়ের আর কয় দিন?
হেরার বেইল গেছে গা,এখন বোনাস মারে
আল্লায় রহমত করলে বরযোর আর দশ/বারো বচ্ছর?
হের বাদে আমি ময়ূরপঙ্খি নাও অইতাম
দুই বেলা দুইডা দানা আর উড়াউড়ি।

পাইতলা চোরার বিল থাইক্কা মাছ ধইরা খাইতাম,
নিচিনপুর আওরে বইয়া মনের সুখে গান গাইতাম,
শ্যামার চরের বাজার থাইক্কা উক্কা কিন্না
ভাগ কইরা খাইতাম একদিলের লগে।

বাংলা বাজারের বড়ো টিভিতে সাকিব খান আর পূর্ণিমার
ভিসিআর দেখতাম দশ টেকা দিয়া,বই শেষ অইলে
ঠুডের মাঝে নাসির বিড়ি ধরাইয়া আওইরা গান গাইতাম
ওগো ভাবীজান, নাও বাওয়া মদ্দা লুকের কাম।
বালা না লাগলে মোবাইলে মেমরি বাজাইতাম
আমার ভাঙা তরি ছেরা পাল চলবে আর কতোকাল?

নাইলে সিক্স ফাস কইরা যাইতাম গা লন্ডন
নয়া মুছ মুচড়াইয়া মুচড়াইয়া বড়ো করতাম
১৫ বছরে ফডু তুলতাম ১৮ বচ্ছরের,
চেয়ারমেনের পুলারে ট্যকা দিলাময় নাইন্দার ৮ কের বেইচ্চা,
হেবাইজ কাইট্টা দুই লাক কইরা কামাইতাম মাসে,
লন্ডনী টেহা ফাইলে আব্বার ঈদ অইতো দিনে দুইবার,
হের ডাক্তর দেখানের টেকার অবাব অইতো না,
ফাক্কা ভিডা দিয়া দুইচালা ঘর বান্তাম,
শীতের রাইতে মায়েরে কষ্ট কইরা রান্তে অইতো না।
দশ বচ্চরে কুডিফতি অইয়া বাড়িত আইতাম
হের বাদে হারা জীবন ঠেঙের উফরে ঠেং তুইল্লা খাইতাম
আমি, আমার ১৪ গুষ্ঠি।

আর অহন বাইত্তারার মতো ডরে থাহি, এই বিলাই আইলো
বিড়ি কিননের আগে ভাবি এই টেহাডা বাছলে
বাফের একটা টেবলেটের দাম অইবো, শাট কিনতে
মন চাইলে, মনের উফরে রহিম বাদশার চাবুক মারি
ঘর বানতে টেহা লাগবো,ফুড়িডা আমার বার চাইয়া রইছে।

ঘারের তেড়া রগডারে সুজা কইরা মাইন্না লই মাইনসের
বেয়ান্দাইজ্জা অন্যায্য,গুতা খাই হইরা ডেহাডার লাগান,
বেকাইয়া বেকাইয়া আইট্টা যাই,গলার মাঝে দড়ি বাইন্দা
নিজেরে শিক্ষিত ভাবী, শীতের রাইতে কম্পুটারের বাডি
চাইয়া থাকতে থাকতে চোক্ষের ফানি আর নাকের ফানি একখনো অয়,
আঙ্গুল চলে সোলেমান বাদশার পঙ্খিরাজ ঘোরার লাগান
হের বাদে হজরের সময় বিছনাত হুইত্তা মনের দুঃখে
গান গাই মিন মিন কইরা, জোরে গাইলে মাইনশের ডিস্টাব অয়।
আমার মনো না চায় এই ঘর বাধি লো কিশোরী............