মোর ঐলা কথা মনে পরেছে গো,
ওগো আবো।
ছয়মাস ধরিয়া "দরদী" মরিয়া।
বউটা মরিয়া মুই হনু পাগেলা,
দিনে দিনে কান্দেছো মুই দহলত বসিয়া
গে আবে ঘরবাড়ি ছাড়িয়া।
কাঁয় আর খিলাবে মোক আন্ধিয়া বাড়িয়া,
কাঁয় আর ডাকাবে মোর বগলত আসিয়া
কি কৈর কৈর করিয়া।
কাঁয় দিবে মোক ওগো আবো বিছানা পারিয়া
কাঁয় আর হাকাবে পাখা বগলত বসিয়া
কি কেরত কুরুত করিয়া।
জারের দিনে আছ মুই একলায় থাকিয়া
কায় আর থাকিবে মোক বগলত ধরিয়া
খেতা গরম করিয়া।
গিরিস্তি ছাড়িয়া আবো মুই হইছু বাউদিয়া
সোত্তি সোত্তি বেরাছো মুই ঢুলিয়া পড়িয়া
গে আবো "দরদী" মরিয়া।
বউয়ের বাদে মোর দেহটা যাছে তো জ্বলিয়া
পারিস যদি একটা মোক তুই আঁড়ি দে আনিয়া
গে আবে দয়া করিয়া।
উত্তর বাংলার রাজবংশীদের সংগৃহিত একটি শোক গাথা
সর্বশেষ এডিট : ২৩ শে ডিসেম্বর, ২০১৫ দুপুর ১:০৭