এরে প্রশ্নের অবতারণাহান কুম্পাগা ইছিল মানুর মনে? কত শতাব্দী/সহস্রাব্দী আগে? এ রহস্যে অর সমাধানহান করতে গিয়া মানুইয়ে বিচিত্রময় ভাবনা অহর পরিণতিহাত ইছি হাজার হাজার ধর্ম— যেহার ৪৩০০হান টিকিয়া আছে, আর বিলুপ্ত ইছেতা অগুণিত ধর্ম। কিন্তু যতই সময়হান গড়িইয়া গিয়াছে প্রশ্ন হান ততই বাড়িছে , কিন্তু উত্তরহান দেনা নুয়ারেছি প্রাচীন গ্রন্থঅতা। তাঙি মাতেছি, ঈশ্বর এতা হাবি সৃষ্টি করিছে? কিন্তু মানু সন্তুষ্ট নাইছি । প্রশ্ন করিছি ঈশ্বর অগরে কুঙ্গই সৃষ্টি করেছে?উত্তর হান আহিছে ঈশ্বর স্বয়ম্ভু, নিজে নিজেই সৃষ্টি ইছেগো এবং সৃষ্টির শুরুতেই ওরে মহাবিশ্ব, প্রাণিজগৎ এবং তেইপাঙমানুরে সৃষ্টি করিছে। কিন্তু তেইপাঙমানু তাতেও সন্তুষ্ট নাইছি— তাঙার অসংখ্য প্রশ্নের উত্তর অতা হাবি অজানা আসিল। প্রশ্ন করানি অহন সন্দেহের চোখে সময় অহত দেখলা এবং অন্ধভাবেই বিশ্বাস করানি অহনই বপ্পকরে গুরুত্ব দিতে বাধ্য করিইলা।কিন্তু মানুইয়ে ওরে হাবি প্রশ্নের উত্তর পেইলা বিবর্তনবাদের মাধ্যমে।সচেতন বিজ্ঞানমনস্ক মানুহাবি আচানক ইছিলা প্রশ্নাতীত প্রশ্নের উত্তর অতা পেয়া। বিবর্তনের মাধ্যমহাত প্রাণের ধারণাহান প্রইলাকা করেছিলাটা গ্রীক দার্শনিক অতাই। থেলিস এ খালকরেছে হাবি প্রাণির উদ্ভব ইছেতা পানি হাত্ত।অ্যারিস্টটল এ ধারণাহান দেরতা- অজৈব বস্তু হাত্ত জৈব বস্তু অতা সৃষ্টি ইছেতা। এটা নিয়ে দীর্ঘকাল ধরিয়া কথা অতারানি সম্ভব নাইছিল খৃষ্ট ধর্মের প্রভাবর কারণে। অন্য ধর্মঅতাও চিন্তার জগৎহানরে থামিয়া ঠুয়াছিলা। ধর্মঅতা আগে আছিলতা পূর্ববর্তী চিন্তার প্রকাশ। পরবর্তীতে নতুন চিন্তাঅতা যেহেতু সাংঘর্ষিক অতাইয়া এটা গ্রহণ করানি নাইছিল এবং নতুন চিন্তা আহিলেই অতারে দমন করেছিলা। তবুও ইউরোপের দার্শনিকঅতাই অন্ধকার যুগহাত্ত নুকুলিয়া কথা মাতানি একরলা এবং তাঙি নতুন দিগন্তর উন্মোচন করলা।আজি বিভিন্ন পরীক্ষায় আমি হারপারাঙ, অ্যামোনিয়া, মিথেন ও জলীয় বাষ্পের সমন্বয় ইয়া সমুদ্রহাত তৈরি ইছেতা এমাইনো এসিডই অরে জৈববস্তু যেহাত্ত প্রাণের সূচনা ইছেতা। যেহাত্ত আহের প্রোটিন অণু। অরে প্রোটিন অণু হাত্ত আহের প্রোটোপ্লাজম। এককোষি প্রাণর উদ্ভব ইল। কিসারে ইল? অতা নিয়ে বিতর্ক আছে। যদি ওরে পরিবেশ অহন হঙ্করিয়া এসারে পরীক্ষাগার আগো করানি একরের তবেই প্রকৃত সত্যহান হারপানি একরতই। এককোষি প্রাণ আগর আবির্ভাব ইতে পৃথিবীহার বয়স ইছেতা শতকোটি বছর। অর্থাৎ আজিকাত্ত ৩৫০ কোটি বছর আগে অকোষীয় জৈব পদার্থর কোষীয় রূপান্তর ঘটিয়া। এরপরেত্ত বিবর্তনবাদ কথা অতারানি একরলা, এর পরে ৫০ কোটি বছরর মধ্যে প্রাচীনতম যে ব্যাকটেরিয়ার ফসিলহান পাছিলা অতাও অতি সরল ইছিল কিন্তু শুরুহার চেয়ে অনেক জটিলতর ইছিল। এর পরের ২০০ কোটি বছর এককোষি ব্যাকটেরিয়ার ফসিলহান পাছিলা অতাও বিভিন্ন রূপে।প্রিক্যাম্ব্রিয়ান কালের যে ফসিলহান পাছিলা অতা বহুকোষী ও ক্ষুদ্র অমেরুদণ্ডী প্রাণিরটা। ক্যাম্ব্রিয়ান কালর সময় যে ফসিলঅতাত্ত হাবি জেলিফিস,স্পঞ্জ অর অসারে প্রাণির দেখা মিলিছে। অর্ডোভিসিয়ান কালর ফসিলঅতার ভিতরে কোরাল, সি-অর্চিনসহ চোয়ালবিহীন মাছঅতার দেখা মিলিছে।ডেভোনিয়ান কালর সময় চোয়ালযুক্ত মাছর আধিপত্য আসিল। এপাগাপেয়া হাবি ফসিলর প্রাণিঅতা পানিহাত থাইতারা। এর পরে পাছিলা উভচর প্রাণির ফসিল। কুমির জাতীয় প্রাণির উদ্ভব ঘটেছিল অতাইয়া কুমির অতারে এপাগাও জীবন্ত ফসিল মাত্তারা। এসারে আতাও কিছু প্রাণি আছি তাঙি তেমন কোন পরিবর্তন নাইছি। এরপরের স্তরহাত যে ফসিল পাছিলা অতা সরীসৃপরতা। আরো পরের স্তরে আহিসিল ডাইনোসর! এহেন এক আচানক ধারাবাহিকতাহান যেহান প্রাচীন ও সরল প্রাণিঅতাহাবি পাছিলা পূর্ববর্তী স্তরে। এরে ধারাবাহিকতার ব্যাখ্যাহান কিহান? এপাগা জিন পরীক্ষা করিয়া চাসি যুগআহার প্রাণি পরিবর্তন ইয়া অন্য সময়ে খানি ভিন্ন প্রাণিত পরিণত ইছে। কয়েক ধাপ ইয়া আহিসে আধুনিক ঘোড়া বা হাতি। কিদিয়া এসারে ধারাবাহিকতা?এরে ব্যাখ্যাও বিবর্তনবাদ দিয়া দেনা সম্ভব। সম্প্রতি জিনর পরিবর্তন ঘটিয়া লেজছাড়া ইঁদুর জন্ম দিয়াছি বিজ্ঞানি অতাই ৷ প্রমাণহান পেইলাঙ, কিসারে আদি মানু অতার গারিগত্ত লেজগ খসিয়া পড়েছিল৷ লেজগ না থানায় মানুয়েজীবন সংগ্রামে কিসারে সুবিধা দের অতাও নুকুলিয়া আহের ওরে পরীক্ষা অহত্ত৷এককোষী আদি কোষ অগ আতা টিকিয়া নেই। কিন্তু পরবর্তী পর্যায়র ব্যাকটেরিয়ার অসারে অনেক ব্যাকটেরিয়া এপাগাও টিকিয়া আছি, তাঙার অনেকগই আতাও জটিল ইছি। সরল হাত্ত জটিল প্রাণর উৎপত্তি অতার ব্যাখ্যা আতা অন্যভাবে দেনা সম্ভব নার। অতাইয়া মাতানি একরের হাবি প্রাণিঅই আহেসিতা বিবর্তনর মাধ্যম হাত্ত। ৪৩০০হানর ধর্মীয় ব্যাখ্যা, ল্যামার্কের ব্যাখ্যা, বিভিন্ন দার্শনিক অনুমান— কিসারে? কিক্ক করিয়া আহিলাঙ?— আমারে সন্তুষ্টু করানি নুয়ারিছে৷ বিবর্তনবাদ অহন পুরাতন প্রজাতি হাত্ত নতুন প্রজাতির উৎপত্তির মহাযাত্রার সুব্যাখ্যা অতা আমারে সন্তুষ্ট করের, তৃপ্তি দের৷ অগ্রসর তেইমানুঅতা বিস্মিত ইতারা লগে বিবর্তনবাদ অহন অরে কাজে লাগিয়া চিকিৎসাবিদ্যা, প্রানিবিদ্যা, উদ্ভিদবিদ্যা, রসায়নসহ বহু বিষয়র উন্নতি ঘটিতার৷ বেশ কয়েকগ বিজ্ঞানি বিবর্তনবাদ অহন অরে কাজে লাগিয়া নোবেলও পাছি৷ কিসারে করিয়াআহিলাঙ?— এসারে প্রশ্নের উত্তর পানা কম কথাহান নাবে৷
মুল লেখাহানঃ মুজিব রহমান, বিশিষ্ট কলামিষ্ট,বাংলাদেশ প্রগতি লেখক সংঘ।