নর্থ আমেরিকায় প্রথম পদার্পন করেছিলাম নিউইয়র্কের জ্যাকসন হাইটস এ। আজ থেকে ঠিক ছয় বছর আগে। আবার একই তারিখে, একই মাসের একই দিনে মন্ত্রিয়ল থেকে হাজির হলাম জ্যাকসন হাইটস এ। নিউইয়কের জ্যাকসন হাইটস যেন আমার কাছে ৯০ এর রাজাবাজার-মনিপুরীপাড়া -ফার্মগেট এর কথা মনে করিয়ে দিল। তখন ঐ এলাকায় আমরা ৫০-৬০ জন মনিপুরী দু-তিন রুমের একেকটি ছোট্ট বাসা নিয়ে চার-পাঁচজন করে থাকতাম, একেকজনের একেক স্বপ্ন, কারও স্বপ্ন কন্ঠশিল্পী হবার (মনিপুরী এবং বাংলা উভয় ভাষাতেই চর্চা করতেন), কারও স্বপ্ন কবি- সাহিত্যিক হবার, কেহ সমাজ-রাজনীতি-সংগঠন নিয়ে এদিক ওদিক দৌড়াদৌড়ি, আবার দু-এক জন রাত জেগে পড়াশুনা করে সরকারী আমলা হবার সাধনায় রত ছিলেন, এরই মধ্যে কেউ কেউ চেয়েছিল বিদেশে যাবার- ডলার কামাবার (সিলেটিদের পাশে থাকলে যা হয়!)। তাই অনেকেই ডলারের স্বপ্ন তাড়িত হয়ে বিদেশে পাড়ি জমালেন, ইউরোপ আমেরিকার এশহর ওশহর ঘুরে অনেকেই নিউইয়র্কে থিতু হলেন। কয়েক দশকে একজন দুজন করে এসে এখন (এর মধ্যে ডিভি লটারী প্রাপ্ত কয়েকজনও আছে। )প্রায় সত্তরের অধিক (তবে ভারতের সহ হলে দু’শ বেশী হবে ) মনিপুরী হরেক রকমের স্বপ্নের জাল বুনে স্বপ্নের নিউইয়র্কে দেশের (অবশ্যই বাংলাদেশের ) স্বপ্ন নিয়েই কাটাচ্ছেন আজও। এর মধ্যে আমিও হাজির হলাম।

পৃথিবীর রাজধানী বলে পরিচিত নিউইয়র্কেও অভিবাসী জীবনযুদ্ধে বেচেঁ থাকার, ডলার কামানোর নানাবিধ ফন্দিফিকিরের পাশাপাশি অমুক বাংলাদেশ-বাঙালী-বাংলাদেশী সমিতি-সোসাইটি- ফোরাম, পাশাপাশি অমুক জেলা-বৃহত্তর জেলা-উপজেলা সমিতি-সোসাইটির দেখাদেখি এখানের মনিপুরীরাও সংগঠিত হলেন, ‘নামা ’ ( নর্থ আমেরিকান মনিপুর এসোসিয়েশন), ‘ ইমা ’ ( ইন্টারন্যাশন্যাল মনিপুরী এসোসিয়েশন) সর্বশেষ ‘নর্থ আমেরিকান বাংলাদেশী মনিপুরী এসোসিয়েশন’। যা হবার তাই হলো, বিভিন্ন ইতিবাচক কর্মকান্ডের পাশাপাশি বিভিন্ন নেতিবাচক দিকও এসে পরলো, যেমন - এর সঙ্গে ওর মুখ দেখাদেখি বন্ধ, এ ও’র দলে- ও এ’র গ্রুপে, উনি থাকলে আমি নাই, উনারা এটা করলে, আমরা ওটা করবো ইত্যাদি ইত্যাদি। তারপর রাত জেগে মিটিং, সকাল হতে না হতেই অনেকের কাজের জন্য দে দৌড়। সুতরাং , এ কাহিনী একান্তই তাহাদের।

নিউইয়র্কার মনিপুরীদের নিয়েই আজকের এই গপ্পো।
------------ ------------------- --------------------------------

ওজা এলাংবম নিলকান্তগি লমকোয় ওয়ারী “ আমেরিকাগা উনবা’’ (২০০১ ) পারুবদা থেংনখিবা ‘চরিত্র ’ ময়াম ঐনা নিউইয়র্কতা থুংলরবা মতুংদা অমুক মথং মথং ঐগামুক উনরে। লাইবক থিবা হাইববু ওজা’গী খোংচৎতুদা ঐগা ফংনহৌদবনা (মতমদুদা ঐ নোর্থ আমেরকা’দ য়ৌরকত্রি, আহ! অন্থোকপনিদা।) ঐগী ওয়ারী য়াওহৌদ্রে। করিগুম্বা ওয়ারীদুদা ‘ঐ ’ য়াওরমলবদি ঙসিগী ওয়ারীসে লিরমদ্রবসু য়াবনি।


২০০৩ গী মে’গী তাং তরামাথোই দা নিউইয়র্ককী জ্যাকসন হাইটসতা লৈবা ইমানবা ইন্দ্রজীৎ হোয়দা থুংবনি। ঙসি চহি তরুক মতুংদা অমুক লাকপনি, থুংবসু মখোয়দনি। লাইবক ফবা হাইগদ্রা, ফত্তবা হাইগদ্রা থংনবা এপার্টম্যান্ট অমদা সত্য’দা সু লৈরম্মী। মতম্মগী বাংলাদেশ মনিপুরী ছাত্র সমিতি হৌদোকপদা য়াওরম্বা, বাংলাদেশতা মনিপুরী শিংগী দাবী দাওয়া তানবদা খনাউ চরম কংনা লাউরম্বা সিলেট শিবগঞ্জকি সত্যজীৎ' ইয়াম্বদুগা ঙসি অসিদমুক ফংনররে। বাংলাদেশতগী থুঙলবাগী খরনি মনুংদা জগন্নাথ অমসুং ইন্দ্রজীৎ না হৌদুনা সত্যদা খোইদা চংঙুসি হাইদুনা চংলুই। মনিপুরগী নিঙোন অমাগা য়ুম পান্দুনা তং তানা নিউইয়র্কতা লৈরে হাইনা ঢাকা’দগি সু তারকখি, অদুদা মনিপুর গী ইতৈমাগসু শক খংনজনিংদুনা থেংথবা লৈতনা চাক কৌবা অমদি ফরমাল ইনভাইট কা ঙাইদনা হেক্তা চংশনবনি। করম্না লাক্লী, লাকপগী অওয়া-অনা মথং মথং অচোইবা ওয়ারী শানবা লোইবগা সত্য'দাগী হৌনবী ‘মনিপুরি’ গী সমস্যা, লুচিংবাশিংগি থৌদোক -ওয়াথোক অমদি মনিপুরগী ইরাং মথং মথং ইশিং লিৎতবিদা ঙাংথবা হৌরকই। ঐবু আসামী গী ‘‘কাঠগড়া’’ দা থমলগা হৌজিক্কী লাইরিক হৈবা নহারোল ঐখোয়বু শু মথং মথং শীথবা হৌরকই।

ঐসু ঐনা অঙম্বা খুম্মী, হন্দকসু অমসুং চহি তরুক মমাংদসু। লিদুনা তাহনখি, ঢাকাদ নহারোল শিংনা লৌখৎখিবা থৌরাং, মিটিং - মিছিল, ঢাকাবাসী মনিপুরী, সেন্টার ফর মনিপুরী ষ্টাডিজ (সি এম এস ) কি এক্টিভিটিজ, শৈরাংব মরুপকী (এস _এম ইয়াহু গ্রুপ) ভার্চুয়ালগি জগৎ, খংহনখি ঙসিগী বাংলাগী মৈতৈ নহারোলসু তুমিন্না লৈতে - মাগী মাগি মফমদাগি অঙম অঙম্ব মতেং পাংলকই, থবক তৌরকই। বাংলাগী মৈতৈ নহারোলসু হান্নগী নত্রে, করম্বা মফমদা করি তৌগনি হাইবদুগী ইচং থৌবা থৌদাং লৌখৎলকপা লেপ্তে। খংদে, ময়াম্ন করি খনলিবা, খরা পেনদবদি মানলি। অতৈসু হেন্না আশা লৈরম্ব্রা করিনো ঙসিগী নহারোল দাগী। তাইবং মীগী পেনদবা হাইবদুনি খনলগা তুমিন্না লৈজখি....


অসোমদা আমেরিকাদ য়ৌরকপগী হরাও-নুঙাই, খোইরাও - খোইজাওনরিঙৈ মতমদুদা সত্য’দাগী ওয়ারীদো ঐঙোন্দা থোইদোকনা থওয়াই তানা তানিংখিদে, মপানদা লৈবদুদা ইজাতিবু নুংশিদুনা ঙাংজরিবনি খন্দুনা তুমিন্না লৈথোকই। ঙসি চহি তরুক মতুংদা থুংলরবা মতুংদাসু সত্যদাগী ওয়ারী শিংদু লোইরমদ্রি। আহ!! কনাগী ‘মনিপুরী সমিতি’ , বামযুস, বামসাস, সাংস্কৃতিক পরিষদ, ছাত্র সমিতি, মহিলা সমিতি, ঢাকা’দ মিছিল চৎপগী ওয়ারীদো অমুকসু হৌদোক হৌদোকতুনা পংশাউতা শাউখি। চহি তরুক মখাদ হন্দকসু মন্ত্রিয়লদাগী নিউইয়র্কতা থুংলবাগী খরনি মনুংদা জগন্নাথ, দিলিপ অমসুং বিজন ঐখোয় মরি য়ুরু যুরু চংশনলি সত্যদাগী চাওরবা কা’দু দা। মমাংঙৈগী ওয়ারীসিংদো অমুক্কামুক হৌদোরকই, অনৌবা ওয়ারী হাইববু আমেরিকা’গী ওয়ারিদা ‘নমা’ , ‘ ইমা’ গী ওয়ারীসু য়াওশনলে। অদুগা `` নোর্থ আমেরিকান বালাদেশ মনিপুরী এশোসিয়েশন'' গী আইডিয়া, করি করি থবক পাইখৎলি মদুসু তমহৌদগী কন্না হোৎনরি। ঐসু কৈদৌনি, আঙাং ওইরিঙৈদা ‘‘মেরা পালি ’’ মতমদা ঙমোক চাবগী ঙাইবদা ‘‘ভাগবোত গীতা -রামায়ন-মহাভারত” তাবগী মওং দা খংবা খংদবা, তানিংবা তানিংদবা মাংদা খিল্লিবা অচাপোৎ ময়ামদো উবদা তিন য়োৎলগা খাংলদুনা লৈবগুম মণিপুর ইতৈমাগী হেঞ্জাং অহাওবদো ঙাইদুনা ঙক থুদুনা তুমিন্না তাখি। ইম্ফালগী ইতৈমাগী হেঞ্জাংদো ...........


মরু ওইনা নিউইয়র্কতা লাকখিবদি ইয়ু এন ’গি (জাতিসংঘ) মিটিং অমদা শরুক য়াগে লাকপনি। আদুগি খুদোং চাব লৌরগা বাংলাদেশকী ‘‘বই মেলা’’ অমা নিউইয়র্কতা পাংখোক্কদৌরি, মদুদা ঐখোয়সু শরুক য়াজগে হাইবগী লোবিং তৌবগী মরুপ মপাং থিরকপা অমদি থৌদাং অদুগী থৌপুবা সিংগসু উনজগে হোৎনখিবনি। অঙাং ওরিঙৈদগী হৈনরকপা মিটিং নিবু হাইরদি ইশাগী থবক, ওইজ ওইথক্কা কাউদুনা কোইচৎ চৎপগি লাইনাদো ঙসিসু অসুম থাদোকপা ঙমদ্রি। ইনভাইট অমবু ফংলদি চৎলগে হাইদুনা খোং থাংগত্তুনা লৈরবা ঐসে, চে-চাংগী ঝামেলা খরা লৈবদুনা ইউ এস এ’ গি মফম কয়াদগী ইনভাইট লাক্লবসু চৎপা ঙমদনা তুমিন্না তোকথোক্কি মাংগী চহি তরুক সে, তৌবতবু কানাডা মনুংগী ইনভাইট শিংদী ঙাকনবা হোৎনখি। মসিনা ওয়ারি অমনি। কানাডাগী ওয়ারীদি নোংমা লিজরগে...........................


দেশতা লৈরিঙৈদসু `মেলা' দ চৎপা - কোইবা - চাব’ত নত্তনা মখন মথেনগী পোৎয়োম (প্রডাক্ট )ময়ামগী মনুংদা ঐখোয়গী সু পোৎয়োম খরা হাংলাগা থম্বা, য়োন্বা, শন্দোক’নবা হোৎনরকখি, সিলেট-মৌলভিবাজারগী মেলাদবু ওইরো, ঢাকা’গী মফম কয়াদ, মতম মতম দা তৌখিবা মেলাদবু ওইরো শরুক য়ানবা হোৎনখি। ঙসি নোর্থ আমেরিকাদসু অদুমকনি তৌগে খনলিবা। নিউইয়র্ক, ফ্লোরিডা, টরন্টো, মন্ত্রিয়ল দা নোংমা নোংমাগী বাঙালীসিংগী মশিং হেনগৎলক্লি, অদুগা লোইননা বাংলা সংস্কৃতি য়োকখৎনবাগী থৌদাং ওইনা চহিগী সংস্থান কয়ান শিন-লাংদুনা মখল মথেলগী ইশে-নোংমাইগী অনুষ্ঠান অমদি মেলা কয়া পাংথোকনরকলি। চহিগী নিউইয়র্ক অমদি টরন্টো'দা ‘‘ বাংলা মেলা ’’ অমসুং ‘‘বই মেলা’’ তৌবগী চৎনবী অমা চহি খরনি মমাংদগী সংস্থান কয়ান হৌদোরকখি। নোর্থ আমেরিকা অমদি ইউরোপতা লৈবা বাংলাগী অইবা শিংগী লাইরিক অমদি ঢাকা-কলকাতা দগী পাবলিকেশন্স-পাবলিশার্স কয়াসু মাগী মাগি ফোংবা লাইরিক পুনরকতুনা শরুক য়ারৈ। মদুদা বাংলাদেশতা ফোংবা অতোপ্পা লোনগী অইবা শিংগী লাইরিক সিংদুগি ওইনা স্টোল অমা তোঙান্না শরুক য়াগে হোৎনজবনি। পাউ অসে ঐনা নিউইয়র্কতা লৈবা ময়ামদসু তাহল্লি। বাংলাদেশতগী ইউ এন’ গী মিফম দুদা লাকপা ময়ামদসু খংহনখি। ঢাকাদগী সনজীব দ্রং, নর্থ বেঙ্গলগী রবীন্দ্রনাথ সরেন, সিলেটকী ফ্লোরা তালাং (খাসীয়া ফুরুপ ) অমসুং ফাদার গোমেজ অমসুং চিটাগাং হিল ট্রেক্সতগী রাজা দেবাশীষ রায়, মৃনাল ত্রিপুরা গা লোইনা পুম্নমকনা মিহুৎ তরেৎ লাকখি। অদুগা অষ্ট্রেলিয়াদগী `খুমী' ফুরুপকী অহান্বা মপান লমদা লাইরিক তম্লিবা লেলুং খুমি সু লাকখি, অমসুং শক খংনখি। ময়ামগা বাংলাদেশকী মাইনোরিটিশিংগী ফিভম, ঢাকাদ হৌজিক হৌগৎ লক্লিবা নহারোল শিংগি থৌদাং অমদি এনজিও শিংগী প্রোগ্রাম প্রজেক্টকি মতাংদসু ওয়ারী কয়া শান্নখি। মরক মরক্ত ইন্ডিয়াগী নর্থ ইষ্টতগী লাকপা মিহুৎ শিংগসু ওয়ারি কয়া শান্নখি। মখোয়সু য়াম্মী লাকপদো, মনিপুরদগীসু মিহুৎ খরা য়াওরকখি, মখোয়গী মনুংদা এনজিওগী থৌপুবা, হিউম্যান রাইটস এক্টিভিস্ট কয়াগসু মনিপুরগী হৌজিক হৌজিক্কী ইরাং অমদি অওয়া অনা কয়াগী ওয়ারী শান্নজখি। ওয়ারিদি য়াম্মী, পেনদবসু য়াম্মী, করিনো তৌদোরিবা! নুংশামপি হোল্লগা তোকখি।



ইউ এন’গী মরু ওইবা মিফম শিংদুগী মরক মরকতা মালেমগি কাচি কোয়াদগী লাকপা ময়ামগসু ফংনরুবা ফংনরুবা মফমদা অওয়াব ফোংদোকনৈ, নুংঙাইতবা ফোংদোকনৈ, ‘ রাষ্ট্র’ অমদি ‘পাওয়ার’দ লৈবা শিংনা মিচম-প্রজা অমদি তুশোন্বা-অশোন্বদা ওৎপিরিবা নৈবিরিবা সিংদুগী মরমদা ময়ামদা খংহনবগা লোইননা ইয়ু এন ’গী মাইকৈদগী তৌফম থোকপা থৌদাং লৌবিনবা ময়াম্ন ওয়াকৎচৈ। নিউইয়র্ক্কী ম্যানহাটন’দো খরনিগি ওইনা মালেমগী মফম কয়াদগী লাকপা তুশোল্লবা, নৈহৎপিরবা ময়ামগী নুংশাশ্বরনা পুমথন থনখি। অমরোমদনা অওয়া অনা, অফা-অপুন মরক্তগী লাকখিবা ময়ামদুসু খরনি ম্যানহাটনগী অরং অরাকশিং উবদা অওয়াব-নুঙাইতবা ময়ামদো কাউথোকনবা হোৎনখি। নোংমা নোংমাগী মিফমশিংদো লোইরবা মতুংদা ঐখোয় খরা ব্রডওয়েগী কুমৈ য়েংবা, টাইমস্কোয়ারদা মিয়ামগি মিতৌ য়েংবা, চাইনা টাউনদা পোৎ-চৈ অহোংবা য়েংবা চৎলি। অদুগা ছুটি নুমিৎকী অয়ুক নুংথিলদনা ম্যানহাটন গি আর্ট গেলারী, মিউজিয়ম, পার্ক, স্কাইক্রেপার, নুমিদাং দনা মীতৈ ইমুং অমদি মরুপ মপাং শিংগি য়ুম দা চাক চাব চৎলি। চাকোই চাবসিসু অঙাং ওইরিঙৈদগী হৈনরকলবনি, ফনদুম মহৈনখি।


মথং মথং থেংনরকখি, সিলেটকী দিপু, প্রসেন, অশোক'দা, ভানুগাছ কি কাকা ধৃত, রণজীৎ, শুশান্ত, ইবাই নিরেন অমসুং হাবিব ভাই , গোয়ালবাড়িগী কাকা বিদ্যা, বিশগাওগী কাকা অনিল অমদি সুরেন্দ্র'দা। হাবিবুরনা তম্বিরকই মৈতৈ পাঙলসু য়ামখৎলকই নোংম নোংমগী। চহি তরুক মমাংদাসু অমুক থেংনখিবা ময়ামদো অমুক্কমুক থেংনৈ। ময়াম্না ওয়ারি কয়া লিদুনা তাহনখি মখোয়না বাংলাদেশতা লৈরিঙৈদা করি করি তৌরকখি। নুঙাইতবা ফোংদোকখি থৌদোক কয়াগী, অওয়াব - পেনদবা ওয়ারী কয়াসু তমদুনা তাহনলি। মিরমদম সিদা ঙসিসু মং মংলি বাংলাদেশকী মৈতৈশিংগি নুংতিগী ওইবা অওয়া নুঙাইবদুদা শরুক য়ানিংবাগী। কনা কনাগুম্বনা নোংমাগী তত্তনা ফোন' দা ওয়ারি শান্নরী মমানবা অমদি ইমুং মনুংগী অমগা অমগা। নিঙোন থাজবগী, পিবা লুহোংবাগী, মচিন-মনাউ লাইরিক তমহনবগী, পাশ তৌরকপগী, লৌ লৌবগী- দোকান লৌবাগী, অনৌবা আইডিয়া, অনৌবা মোবাইল ফোন, কনা শিখিবগী, কনা মশা ঙম্দবাগী, করম্বা ইমুংগী নিঙোন কনাদ চেনখরে, ময়াংদ জাত তাখিবগী, ময়াংন লৌ মুনখিবগী, ইশিং ইচাউগী, নোংজু নুংশাগী ওয়ারী কয়ান কোংগোন পিত্রিক কায় ফোনগা ফোনগা। হকচাংনা নিউইয়র্কতা থওয়াইনা বাংলাদেশতা, নিংশিং লকই অদুঙৈগী মনিপুরগি ইশৈদো, থওয়াইন উখ্রুলদা লৈহৌরে..................


শরকতুদা নিনি-হুমনি ওয়াশিংটোন ডিসি দসু কোইথোকলুই। ডি সি দসু মৈতৈ খরা লৈ। মৈতৈ জগোইগী ওজা নবঘন মেম নুপি অমা লৌদুনা ওয়াশিংটনদা তং তাদুনা লৈরে হাইনা ওজা এলাংবম নিলকান্ত নসু ইবিরম্মি। হৌজিক্তি মশিং হেনগৎলে। ঐনা ডি সি দা চৎপগী মরমদি, ট্যুরিজম গি হেড অফিস অমা অদুদা লৈবা, মদুসু চংঙক্কে অদুগা হোয়াইট হাউস, কেপিটোল, মিউজিয়াম্ন চিংবা য়েংনিঙাই খরা লৈবদো লাকইঙৈসিদা য়েংথোকহৌগে খন্দুনা চৎখিবনি। ফজৈ, নুঙাই, য়েংনিঙাইগী য়েংনিঙাই ঙক্তনি। করম্বা থমলগা করম্বাগি ওয়ারি নো তৌদোরিবা, অদুনদি নোংমা ফজনা খোংগ্রাই চল্লগা ফমদুনা লিবা তারি। ঙহাক্কী হোবে হোবেগী ``ব্লোগ '' সিদা লিদুনা লোইগদবা নত্তে।


তঙাইফদনা ময়াম অমুক্তং ঙাইবিখো।


( ওয়ারি সে অসিদা লোইবা নত্তে, নম্ফুদা লোইশন্বা হাইবদুনি । নিউইয়র্ককি মফম মফম দা চৎলুবাগী, নিউইয়র্কার মৈতৈশিংগী মং কয়াসু ঐঙোন্দা লিবিরকখি, ইম্ফালদগি লাকপা ময়াম্ন ওয়াহং কয়াসু থনম্মি, অদুগা ইউ এস তা লৈবা মনিপুরগী স্কোলার কয়াগসু ফোন দা ওয়ারি কয়া শান্নজখি। অদুনা করম্না ওয়ারি ময়ামসে মিয়াম্দা তাহনগদবা, ঐদি খংদ্রে। লাইরিক অমা ওইনা পুথোকশিরা হাইনসু খনখিদবা নত্তে। অদুবু পাবিনবা লৈত্রবা মৈতৈ লোনগি লাইরিক কনাদমুক ফোংবিয়ু হাইজরুগনি। খংদ্রেদা করিনো ঐ না তৌদোরিবসে........................................................ )