অনুগ্রহ করে অপেক্ষা করুন। ছবি আটো ইন্সার্ট হবে।
গরীবর বউ হখলর বউ
লুৎফুর রহমান
লাম্বা লুম্বা অইগেছে তাই বয়স কুল্লের সতরো
থোড়া ভুল অইলে জামাই আত তুলি দেয় গতরো।
গরীবর বউ হখলর বউ দেওরেও মারে লাথ
হড়িয়ে মারইন দজির বাড়ি অইলে মেখা ভাত।
নন্দে খরে থুতা আর ভেজাল লাগায় হেষে
গরীবর বউ ফায়না বিচার গাঁউ-থানাত দেশে
বাফের বাড়ি যায়না নাইওর খান্দে খালি গরো
মায় বুঝাইন 'মরতে অইলে জামাইর বাড়ি মরো'।
চকুর ফানি নদী নালা কেউ দেখেনা দুক
খান্দে আকাশ খান্দে বাতাস বুক ফাটি যায় বুক
গরীবর বউ দেখলে গাউত আড় চউকে ছায় বুড়া
যেনর বয়স অইছে আশি দেখতে লাগে দুড়া।
সর্বশেষ এডিট : ১০ ই মে, ২০১৪ রাত ১২:৫১
